ORANJESTAD - Diahuebs anochi den un estilo unico, e agencia di auto Motor World a lansa e marca di auto Britanico Morris Garages mihor conoci como MG, aki na Aruba. MG ta conoci no unicamente pa su 85 aña riba mercado

di auto y e auto club di mas grandi mudialmente pero tambe pa nan titulonan di creador di e auto mas liher na mundo, auto mihor bendi na mundo y tambe e mihor sports car di mundo." Director di Motor World, Sr. Micheal Wong a comenta. MG ta e mihor de lo mihor di e industria di auto Britanico, no cu e industria aki ja caba ta uno cu ta haci e diferencia, pero tambe tin ventaha significante riba e auto mericano y japonesnan. Anto riba esaki, MG tin un parti fundamental den historia di e industria di auto mundialmente. Hunto cu St.Domingo, Aruba lo ta e unico 2 islanan den Caribe cu lo bende e marca di MG."

"No solamente nos ta bende e marca MG" Sr. Dennis Brouwer, Service Manager a comenta . "Pero nos tin e support di un staff y garage full modernisa y nos lo ta semper man habri pa yuda nos clientelanan."

Ja hopi hende por a nota algun MG ta core riba nos cayanan. Motor World ta orguyoso di por introduci 4 model di MG aki na Aruba. Esaki nan ta consisti di e MG 3, MG 350, MG 550 y MG 6.

E MG 3 ta un Super Mini cu su i-Style Interior, adora pa famosonan manera David Beckham, Kate Moss y otro pioneronan di moda. E MG 3 lo bin full ekipa cu un motor di 1.5L VTi incluiendo "sun –roof" anto ta cuminsa na un prijs di Afl. 34.900,- (Incl. BBO).

E MG350 ta un sedan cu standaard halto den safety cu su 720 grado multi functional airbags in combinacion cu 6 systema electronico pa seguridad di su pasaheronan. Esaki tambe ta bin cu un motor 1.5VTI-Tech unda su prijs ta cuminsa na Afl.42.000,- (Incl.BBO).

E MG 550 ta un sedan cu ta lagabo "customize" e operacion di con pa core e auto. Esaki ta e mix perfecto di technologia digital y style. E ta bin cu un motor 1.8T TCI –TECH anto ta cuminsa na Afl. 49.900,- (Incl. BBO).

E MG 6 ta un auto revolutionario cu su aparecia di un sports car mihor yama "Fast Back". Esaki ta esun cu ta busca un sedan lujoso y espacioso pero cu un look di un "sports car". E MG 6 ta bin cu un motor 1.8t aluminium Super Charged pa dunabo e maximo potencia. Prijs ta cuminsa na Afl. 54.000,- (Incl. BBO).

"Pa nos ta un orguyo como un agencia situa na San Nicolaas pa por introduci e marca di auto aki na Aruba." Sr. Wong a sigi comenta. " Esaki ta demostra tambe cu nos kier duna San Nicolaas e empuje necesario pa florece atrobe. Nos a spera di mira hopi hende bin pariba pa admira e perla di autonan aki paso "It’s Time to fall in love again."

Si abo ta interesa pa mira un di e modelonan di auto MG pasa libremente na Motor World na Cura Cabai 137 net banda di Subway Cura Cabai of yama na 584-1828 pa mas informacion. www.motorworldaruba.com.

---

Social Bookmarking