|
Minister Arthur Dowers cu atencion pa FEPO y “Scol Scucha Nos” |
 |
 |
 |
|
Tuesday, 09 March 2010 19:58 |
|
ORANJESTAD- Ayeratardi Minister di Enseñansa Arthur Dowers tabata di bishita na e oficina di FEPO pa sera conoce cu miembronan di directiva di e fundacion aki y cu director di Scol Scucha Nos Wim Willems,
kende tambe tabata presente. Minister Dowers a haya un amplio splicacion di con tanto FEPO como “Scol Scucha Nos” ta funciona y kico e plannan pa futuro di e scol aki ta. Presidente di FEPO ta sr.Humphrey Theysen, secretario dr.Steve Cabenda, miembro sra.Enid Croes-Marugg y Director di e fundacion aki ta sr.Gerold Keteldijk. FEPO ta un fundacion cu ta yuda esnan cu tin problema cu oido den e sentido mas amplio cu tin. Nan ta test oido, ta midi y distribui aparatonan di oido y ta duna informacion con pa preveni perdida di oido dor di desorden of musica hopi duro. Den temporada di Carnaval e voluntarionan di FEPO ta pasa rond cu nan proteccion di oido y ta duna hopi informacion den prensa pa conscientisa e publico riba e peliger di musica demasiado duro. Despues di e presentacion Minister Dowers a priminti cu pronto e lo haci un bsihita na “Scol Scucha Nos” y el a haya un recorido den e oficina di FEPO. |
