Tur aña tin dos temporada cu ta pasa e fenomeno conoci manera “Solar Outage” of Interferencia Solar. E interferencia solar ta afecta nos servicio di Cable y aki ta sigui mas splicacion di con e interferencia ta afecta.
E interferencia solar ta sosode na momento cu e solo ta posisiona directamente tras di e satelitenan cu ta manda e señalnan di television pa cable. Na momento cu esaki sosode e señalnan ta cay afo pa un par di minuut. Esaki ta conta pa tur pais den mundo cu ta haci uso di e servicio di satelitenan. Como Cable Television ta ricibi señal di un variedad di Satelite, e interferencia solar por pasa na diferente ora y riba diferente canalnan.

Ora cu e receptornan perde e señal e pantaya por deteriora gradualmente te na e punto di bai for di aire completo. Algun canal lo experencia blokinan di pantalla gefreeze. Esaki ta sosode cu e canalnan cu nos ta ricibi digitalmente for di e satelite y esaki por keda asina pa un paar di minuut tur dia durante e periodo cu tin interferencia solar. Lamentablemente no tin ningun procedura tecnico cu por evita e interferencianan aki. E miho cos cu por haci na momento di e disturbio ta pa tin pasenshi y warda pa e disturbio pasa. E fechanan riba cual por tin interferencia ta predicibel. E nivel y duracion di e interferencianan ta varia diariamente te ora cu e temporada di interferencia solar pasa. E interferencia solar aki ta un problema temporal y corto di duracion y no ta un malfuncion di servicio di cable.

Lo por cuminsa experiencia e interferencianan dia 9 y 10 di maart entre 9or di mainta y 4or di atardi y tambe desde 13 di maart te cu 17 di maart entre 10 or di mainta cu 6or di atardi.