Atletismo tambe a forma parti di e competencia na Corsow den Weganan Interinsular 2010. Aruba a participa cu un delegacion for di diferente categoria di edad den e disciplina di Bula Leu, 600m y 800m, Pusha y Tira Bala, 60m, 80m, 100m plano y tambe Estafette. 

Categoria 10-11 aña mucha muher

Den 60m, Toni-Lisa Brown di Aruba ta keda na prome lugar y ta logra medaya di oro,  Glenka Antonia di Corsow na di dos lugar y Neemie Sinmeus di Aruba na di tres lugar ta ricibi medaya di brons. 

Den Tira Bala, prome lugar a bay pa Jasmine Arindell di Aruba cu ta haya medaya di oro, na di dos lugar Neemie Sinmeus tambe di Aruba cu ta haya medaya di plata y na di tres lugar a keda Jadaira Gonzales di Boneiro.

Den 600m a keda na prome lugar Larissa Boelbaai di Corsow, na di dos lugar Jarelis Chirino di Corsow y na di tres lugar Jasmine Arindell di Aruba cu ta logra medaya di brons. Mientras cu den Bula Leu den e categoria aki a keda na prome lugar Neemie Sinmeus di Aruba cu ta haya medaya di oro, na di dos lugar Jarelis Chirino di Corsow y na di tres lugar a keda Toni-Lisa Brown di Aruba cu ta ricibi medaya di brons.

Overall 10-11 aña mucha muher

Neemie Sinmeus di Aruba ta logra finalisa na di dos lugar cu 1524 punto.

Categoria 10-11 aña mucha homber

Den 60m ta keda na prome lugar Yohance Valks di Corsow, na di dos lugar y ta ricibi medaya di plata Albert Pop di Aruba, y na di tres lugar Andrew de Pool di Corsow.

Den Tira Bala, Wuill Vrolijk di Aruba ta keda na prome lugar y ta ricibi medaya di oro, Albert Pop di Aruba na di dos lugar y ta ricibi medaya di plata, mientras cu e di tres lugar a keda pa Jaden Bernabela di Corsow. 

Den 600m, Yohance Valks di Corsow ta keda na prome lugar, Wuill Vrolijk di Aruba na di dos lugar y ta haya un medaya di plata, y di tres lugar a bay pa Andrew de Pool di Corsow. Den Bula Leu den e categoria aki a gana e prome lugar Andrew de Pool, na di dos lugar Albert Pop y na di tres lugar Wuill Vrolijk ambos di Aruba cu ta ricibi medaya plata y brons respectivamente. 

Overall 10-11 aña mucha homber

Di Aruba Wuill Vrolijk na prome lugar cu 2171 punto y Albert Pop na di dos lugar cu 2145 punto. 

Categoria 12-13 aña mucha muher

Den 80m, prome lugar ta bay pa Lixandra Geerman di Aruba cu ta ricibi medaya di oro. E di dos lugar a bay pa Nargelis Statia di Corsow y e di tres lugar a keda pa Naeemah Isidora di Corsow.

Den 2kg Pusha Bala, Julianne Dorothal di Aruba ta logra e prome lugar y ta ricibi medaya di oro. Na di dos lugar a keda Naeemah Isidora y na di tres lugar Lixandra Geerman. Den 600m, prome y di tres lugar ta bay pa Aruba, den persona di Julianne Dorothal y Lixandra Geerman. Y den Bula Leu, Aruba ta logra prome y di dos lugar den persona di Lixandra y Julianne.

Overall 12-13 aña mucha muher

Di Aruba Lixandra Geerman na prome lugar cu 2368 punto y na di dos lugar Julianne Dorothal cu 2351 punto.

Categoria 12-13 aña mucha homber

Den 80m, Aruba ta logra prome y di dos lugar den persona di Reginald Koc y Duncan Hamoet. Den 3kg Pusha Bala, Aruba ta finalisa na di dos y di tres lugar y Duncan Hamoet y Reginald Koc ta logra esaki.

Den e careda di 600m Aruba ta logra e di dos lugar y medaya di plata den persona di Duncan Hamoet. Y Bula Leu Duncan Hamoet ta finalisa na prome lugar y ta ricibi su medaya di oro. 

Overall 12-13 aña mucha homber

Di Aruba na di dos lugar Duncan Hamoet cu 2595 punto y na di tres lugar Reginald Koc cu 2458 punto. 

Categoria 14-15 aña mucha muher

Jelissa Nedd di Aruba ta logra prome lugar den 100m, e di dos lugar den 3kg Pusha Bala, prome lugar den 800m y e di tres lugar den Bula Leu.

Den 800m, Iraida Dorothal ta logra tambe e di dos lugar pa Aruba.

Overall 14-15 aña mucha muher

Di Aruba, Jelissa Nedd na prome lugar cu 2230 punto y Annelaine Jacobs na di tres lugar cu 1834 punto.

Categoria 14-15 aña mucha homber

Den 100m, Corsow ta logra e prome tres lugarnan. Den 4kg Pusha Bala, Eugene Bouwer di Aruba ta keda na prome lugar y Xavier Boekhoudt di Aruba ta keda na di tres lugar.

Den 800m, Eugene Bouwer ta logra e di dos lugar y den Bula Leu Xavier Boekhoudt di Aruba ta finalisa na di tres lugar. 

Overall 14-15 aña mucha homber

Eugene Bouwer di Aruba ta logra e di dos lugar cu 2515 punto. 

IDEFRE ta felicita tur atleta cu nan participacion na Weganan Interinsular 2010 y specialmente esnan cu a logra medaya den nan respectivodisciplina. E invitacion ta keda pa sigui train y prepara pa competencianan cu ta tuma lugar pa por mehora cada biaha y logra resultado satisfactorio.