| Hues ta rechaza demanda di Eckmeyer contra Minister Winklaar |
 |
 |
 |
|
Hues den su evaluacion di e caso ta mustra cu corectamente Eckmeyer ta mustra cu e minister no ta autoriza pa kit’e for di su funcion, pero cu Eckmeyer ta mucho leu ya cu e decision di minister cu e ta protesta contra, en todo caso e palabranan den esaki, no ta dirigi pa kit’e for di su funcion. E minister solamente a haci cambionan temporal den e contenido di funcion di Eckmeyer y a base di ex articulo 52 di ley di ambtenaar (Lma), e minister ta autoriza pa esaki. Eckmeyer ta keda director di Direccion di Cultura Aruba (DCA) pero temporalmente e ta ehecuta solamente parti di su funcion. Riba e ponencia di Eckmeyer cu e minister a faya door di no a scuch’e prome cu a tuma un decision, Hues ta mustra cu segun ley, e mandatario no tin e obligacion di scucha Eckmeyer prome di tuma un decision. Ademas Hues ta mustra cu e mandatario a papia cu Eckmeyer di su intension pa nombra un director interino. Pa loke ta trata e keho di Eckmeyer riba e daño cu a causa na su reputacion, Hues ta mustra cu e decision cu e minister a tuma ta relaciona cu kehonan y esaki no ta inhusto. Hues a rechaza e demanda di Eckmeyer. Social Bookmarking      
 |
